Header Ads

काठमाडौंका गाडी चल्न थाले, पसलहरु खुल्न थाले

काठमाडौ। महाभूकम्पपछि ठप्प रहेको काठमाडौंको जनजीवन सामान्य बन्न थालेको छ । बुधबार बिहानैदेखि अधिकांश पसलहरु खुल्न थालेका छन् । विभिन्न रुटकहरुमा चल्ने बस, माइक्रो र टेम्पोहरु सुचारु भएका छन् । भूकम्पको झड्का आउने क्रम लगभग बन्द भएपछि मानिसहरु त्रिपाल पट्याउँदै घर र डेरामा फर्कन थालेका छन् । भूकम्पविदहरुले अब ठूला भूकम्पको सम्भावना नभएकाले नभत्किएका घरहरुमा बस्न सकिने बताएपछि काठमाडौंबासीहरु घर फर्किन थालेका हुन् । नयाँ शैक्षिक सत्र सुरु भएसँगै भएको विपतले विद्यालयहरु भने सञ्चालनमा आउन सकेका छैनन् । मुख्यतः त्रासकै कारण पसलसमेत खोल्नसमेत डराएकाहरुले भूकम्पको त्रास कम भएपछि बजार, पसल सञ्चालन गर्न थालेका हुन् । योसँगै असहज बनेको काठमाडौको उपत्यकाको जनजीवन बुधबारदेखि सामान्य अवस्थामा फर्किएको छ । यद्यपि ट्याक्सी वालाले बढी भाडा लिएर यात्रु ठग्ने कार्य जारी राखेका छन् भने ठूला पसलेहरुले  सामानहरु लुकाइदिँदा महंगी बढ्ने र खाद्यान्यको समस्या पर्ने भय कायमै छ ।

Powered by Blogger.