Header Ads

आधा छ जुन पुरा छ रात : नेपाली कविताहरु


आधा छ जुन पुरा छ रात,
मान्छे को हामी जात,
सुख को साथी दुख को बात,
कसले पो दिन्छ साथ् |


एक लासे मन् गाडेको धन,
सबैको कालो मन्,
मुटु को रंग रगत को संग,
दुई रंग नै एकै छन् |


मैले के देखे, के यस्तो लेखे,
आफैंलाई बिर्सेछु,
बाटोलाई छेक्दा मृत्युलाई देख्दा,
आफैं नै तर्सेछु |


के यस्तो गरेछु ऐना पो हेरेछु,
आँफुलाई नदेख्दा अन्योल मा परेछु,
छायाँलाई छुँदा मायालु रुँदा,
म आज मरेछु |


बसेको माया मुटुमा हेर,
माया त छंदैछ,
टन्टलापुर घाममा पनि,
पानी पो पर्दैछ |


संसारै भरी खोजेर हेर,
पाउनु नै पाउँदैन,
ओरालो तिर बगेको खोला,
फर्केरा आउँदैन |


आर्नोल्ड राई,
संत मेरीज हिल,
खर्सांग,
दार्जीलिंग |
Powered by Blogger.