Header Ads

सौ पल्ट ठोक तिम्रो निधार : नेपाली कविताहरु


सौ पल्ट ठोक तिम्रो निधार ,
ढुंगा चल्दै - चल्दैन ,
खोला जस्तो पेट्रोल हाल ,
पानी कहिल्यै जल्दैन 


आगोको रापमा बसेर ,
उम्लेको पानी छुँदैन ,
सपनीमा गीत गाए पनि ,
बिहान कसैले सुन्दैन 


सांझको घाँटी समाए पनि ,
रात हुन्छै -हुन्छ ,
साँचो जति बके पनि ,
कस्को कानले सुन्छ ? 


समाजको ढोका बन्द भए पनि ,
चोखो मुटु हुनु पर्छ ,
बाहिरको संसार बद्ली सकेछ ,
मुटुले , मुटु छुनु पर्छ 


तिम्रो मुटु लगेर ,
भित्तामा लगी सजाँउछ ,
मैला ड़ोरीले बाँधेर ,
घुमाइ -घुमाइ नचाँउछ 


कसैको पुच्छर नसमाऊ ,
तिमी , ' तिमी' नै हुनु पर्छ ,
अन्तिम जीन्दगीको ढोकामा ,
नत्र तिमी रूनु पर्छ 


श्री आर्नोल्ड राई ,
सन्त मेरीज हिल ,
खर्साड्ग
Powered by Blogger.